• चिरफार डटकम, विराटनगर ३८५  पटक हेरिएको

शुक्रबार, बैशाख २८, २०८१ समय : १७:१८:३४ , ७ महिना अगाडि

माहेश्वरी महिला मञ्च विराटनगरले मानव सेवा आश्रमलाई १० थान पंखा उपलब्ध गराएको छ । मञ्चका अध्यक्ष पुनम राठीको नेतृत्वमा संकलित सहयोग रकमबाट मानव सेवा आश्रमलाई पंखा उपलब्ध गराएको हो ।

माहेश्वरी समाजका विशिष्ट व्यक्तिहरू विराटनगर–१०, तीनटोलियामा रहेको मानव सेवा आश्रममै पुगेर १० थान पंखा सहयोग गरेको हो । माहेश्वरी महिला मञ्च विराटनगरका अध्यक्ष पुनम राठी, माहेश्वरी युवा मञ्च विराटनगरका अध्यक्ष अजय राठी, अखिल भारत बर्षिय माहेश्वरी महिला संगठका केन्द्रिय उपाध्यक्ष गिरिजा सारडा सहित मञ्चका पदाधिकारीहरू पंखा हस्तान्तरण गर्न मानव सेवा आश्रम पुगेका थिए ।

विराटनगरमा गर्मीको बेला आश्रममा आश्रित महिलालाई सितलता प्रदान गर्ने उद्देश्यका साथ पंखा हस्तान्तरण गरिएको मञ्चकी अध्यक्ष पुनम राठीले बताइन ।