- ब्रह्ममदेव यादव, विराटनगर ३९८ पटक हेरिएको
मंगलबार, बैशाख ०४, २०८१ समय : १७:४७:२२ , ७ महिना अगाडि
नेपाली सिनेमा ‘डिग्री माइला’ का हिरो दयाहाङ राई र हिरोइन आचल शर्मा सिनेमाको प्रचार प्रसार गर्न मंगलबार विराटनगर आइपुगेका छन् । हिरो हिरोइनसँगै सिनेमाका निर्माता मणिराम पोखरेल पनि टोलीका साथ सहभागि थिए । नेपाली सिनेमा ‘डिग्री माइला’ शुक्रबारदेखि देशभरीका सिनेमा हलहरूमा प्रदर्शन भई रहेको छ ।
सिनेमाको प्रचार प्रसार गर्ने उद्देश्यका साथ सिनेमा निर्माण गर्ने टोली विराटनगर आइपुगेको हो । विराटनगरको भाटभटेनी स्थित क्यू.एफ.एक्स. सिनेमा हलमा सिनेमा हेर्न आएका दर्शकसँग टोलीले सिनेमाको बारेमा प्रतिक्रिया लिएका थिए ।
सिनेमाका हिरो दयाहाङ राईले मंगलबार विराटनगरमा पत्रकार सम्मेलन गरेर शैक्षिक बेरोजगार एक युवाको कथावस्तुलाई समेटेर ‘डिग्री माइला’ चलचित्र निर्माण गरेको बताए । युवामा बेरोजगारीको समस्या समाधान हुन नसक्दा निराशा उत्पन्न भएको कथा वस्तुलाई सिनेमामा समेटिएको राईको भनाई छ ।
