- ब्रह्मदेव यादव, विराटनगर ७५८ पटक हेरिएको
बिहिबार, चैत्र २९, २०८० समय : १३:०७:२५ , ८ महिना अगाडि
शत्रुघनप्रसाद यादव, पूर्वाञ्चल पेट्रोलियम ढुवानी व्यवसायी संघ विराटनगरको अध्यक्ष पदमा निर्वाचित भएका छन् । संघको विराटनगरमा सम्पन्न १५औं साधारण सभाबाट अत्याधिक मत प्राप्त गरी यादव अध्यक्ष पदमा निर्वाचित भएका छन् । संघमा लगातार दुई कार्यकाल महासचिव पदको जिम्मेवारी सम्हाली सकेका यादव १५औं साधारण सभाले तय गरेको निर्वाचन प्रणालीबाट महेन्द्रकुमार अग्रवाललाई पराजित गरेर अध्यक्ष पदमा निर्वाचित भएका छन् ।
पूर्वाञ्चल पेट्रोलियम ढुवानी व्यवसायी माझ लोकप्रिय छवि बनाएका यादव १ सय ९० मत प्राप्त गरी अध्यक्ष पदमा सान्दार जित निकालेका छन् । यादवका प्रतिस्पर्धा महेन्द्रकुमार अग्रवालले १ सय ४३ मत प्राप्त गरी पराजित भएका थिए । अग्रवाल अघिल्लो कार्यसमितिमा प्रथम उपाध्यक्ष रहेका थिए । संघको निर्वाचनमा २ जना उपाध्यक्ष महासचिव र सम्पर्क सचिव निर्विरोध निर्वाचित भएका थिए ।
बाँकी पदाधिकारी र कार्यसमिति सदस्यका लागि निर्वाचन भएको थियो । गोपाल श्रेष्ठ प्रथम उपाध्यक्ष र सुकदेव सिंह द्वितीय उपाध्यक्ष पदमा निर्वाचित भएका छन् । ललित पुनिया महासचिव पदमा निर्विरोध निर्वाचित भएका छन् । सचिवमा द्रणराज रेग्मी निर्वाचित भएका छन् । रेग्मीले बैधनाथ साहलाई पराजित गरेका थिए । नविनकुमार कर्ण सम्पर्क सचिवमा निर्विरोध निर्वाचित भए ।
झिनो मतको अन्तरले दिनेश महतो कोषाध्यक्ष पदमा निर्वाचित भएका छन् । भेषराज निरौला, कमल ढकाल, विजय साह, रामबहादुर थापा मगर (उमेश), मुकेशकुमार शर्मा, हेमन्तकुमार मारु, बलदेव सिंह, राजेशकुमार गुप्ता, हरप्रित सिंह र कुशकुमार भण्डारी कार्यसमिति सदस्यमा निर्वाचित भएका छन् ।
