• चिरफार डटकम, विराटनगर ७३३  पटक हेरिएको

मंगलबार, फाल्गुण २९, २०८० समय : १३:४७:१७ , ९ महिना अगाडि

नेपाल पत्रकार महासंघ कोशी प्रदेश समितिले ५ जना महिला पत्रकारलाई मंगलबार विराटनगरमा सम्मान गरेको छ । नेपाल पत्रकार महासंघ कोशी प्रदेश समितिले मंगलबार विराटनगरमा आयोजना गरेको महिला पत्रकार क्षमता विकास कार्यशाला गोष्ठीको उद्घाटन समारोहमा ५ जना महिला पत्रकारलाई सम्मान गरेको हो ।

नेपाल पत्रकार महासंघका केन्द्रिय उपाध्यक्ष बाला अधिकारी, पूर्व केन्द्रिय सदस्य निलिफा सुब्बा, गंगा बराल, ललिता भट्टराई र सुशिला संग्रौलालाई महासंघको कोशी प्रदेश समितिले सम्मान गरेको हो । महिला भएर पत्रकारिता क्षेत्रमा टिकी राख्ने नयाँ पुस्ताका महिला पत्रकारलाई प्रेरणा प्रदान गरी रोल मोडल तयार गरेकोले उनीहरूलाई महासंघले सम्मान गरेको हो । कार्यक्रममा कोशी प्रदेश सरकार सामाजिक विकास मन्त्रालयका उपसचिव दुर्गा बराललाई सम्मान गरेको छ ।

महिला पत्रकारलाई उत्प्रेरणा जगाउने कार्यमा बराल सक्रिय रहेकोले उनलाई पनि सम्मान गरेको हो । कोशी प्रदेश सरकारका आन्तरिक मामिला तथा कानुन मन्त्री शमशेर राई, नेपाल पत्रकार महासंघका केन्द्रिय उपाध्यक्ष बाला अधिकारी, केन्द्रिय सदस्य सरिता बराइली, नेपाल पत्रकार महासंघ कोशी प्रदेश समितिका कार्यवाहक अध्यक्ष लवदेव ढुंगाना, महिला उपाध्यक्ष हेमाकुमारी चेम्जोङले पाचै जना महिला पत्रकारलाई दोसल्ला ओढाएर सम्मान पत्रले सम्मान गरेको हो ।