• चिरफार डटकम, विराटनगर ६८१  पटक हेरिएको

शुक्रबार, माघ २६, २०८० समय : १९:०१:५९ , १० महिना अगाडि

उद्योग संगठन मोरङ ५६औं वर्षमा प्रवेश गरेको छ । संगठनका पदाधिकारीहरूले शुक्रबार विभिन्न कार्यक्रमको आयोजना गरेर ५६औं स्थापना दिवस मनाएका छन् । संगठनले ५६औं स्थापना दिवसको अवसरमा शुक्रबार संगठनकै प्राङ्गणमा आयोजना गरेको रक्तदान कार्यक्रममा संगठनका उपाध्यक्ष उद्योगी विपिन काबरा सहित उद्योगी, व्यवसायी, श्रमिक, उद्योग प्रतिष्ठानका कर्मचारी गरेर ३५ जनाले रक्तदान गरेका थिए ।

५६औं स्थापना दिवसको अवसरमा संगठनले आयोजना गरेको छलफल तथा अन्तरक्रिया कार्यक्रममा संगठनका अध्यक्ष राकेश सुराना, निवर्तमान अध्यक्ष सुयष प्याकुरेल र मोरङ व्यापार संघका अध्यक्ष नवीन रिजालले देशको विषम परिस्थितिमा उद्योगी, व्यवसायी चरम आर्थिक मन्दीको भारखेपी रहेको बेला उद्योग संगठन मोरङ र मोरङ व्यापार संघ उद्योगी, व्यवसायीको हकहितका लागि मिलेर अगाडि बढेको बताए ।

कार्यक्रममा विराट व्यापार संघका अध्यक्ष अंशु बन्जारा, निवर्तमान अध्यक्ष नरेश खत्री, मोरङ व्यापार संघका बरिष्ठ उपाध्यक्ष अनुपम राठी, उद्योगी संगठन मोरङका बरिष्ठ उपाध्यक्ष नन्दकिशोर राठी, उपाध्यक्ष भोलेश्वर दुलाल र विपिन काबरा, कोषाध्यक्ष सुबोध कोइराला, कार्यकारिणी सदस्य पारस लुनियाँ लगायतका पदाधिकारीहरूको सहभागिता रहेको थियो ।