- चिरफार डटकम, विराटनगर ६२८ पटक हेरिएको
शुक्रबार, माघ १२, २०८० समय : १५:४८:१० , १० महिना अगाडि
तेस्रो लिङ्गीले विराटनगरमा शुक्रबारदेखि मिलिजुली एण्ड सप्तरङ्गी खाजा घर सञ्चालनमा ल्याएको छ । विराटनगरमा महानगरपालिकाको वडा नं. १२ स्थित रोडशेष चोक नजिक होटल ईष्टनस्टारको अगाडि तेस्रो लिङ्गीले खाजा घर सञ्चालनमा ल्याएको हो ।
यौनिक तथा लैंगिक अल्पसंख्यक समुदाय (तेस्रो लिङ्गी) ले सञ्चालनमा ल्याएको खाजा घरको नेकपा माओवादी केन्द्रका सांसद सपना परियारले शुक्रबार उद्घाटन गरेकी छिन् । परिवर्तनशील समाज मोरङका कार्यक्रम संयोजक मुस्कान श्रेष्ठले तेस्रो लिङ्गीहरूको सहयोगमा सञ्चालनमा ल्याएको खाजा घरमा मःमः, चाउमिन, रोस्ट, नास्ता, चिया र चिसो पेयपदार्थ पाइने छ ।
परिवर्तनशील समाज मोरङका कार्यक्रम संयोजक मुस्कान श्रेष्ठले तेस्रो लिङ्गी समुदायलाई आत्मनिर्भर बनाउने उद्देश्यका साथ खाजा घर सञ्चालनमा ल्याएको बताए ।
