- चिरफार डटकम, विराटनगर ४८७ पटक हेरिएको
मंगलबार, माघ ०२, २०८० समय : १७:५६:४५ , १० महिना अगाडि
युवा व्यवसायी प्रमोद जिन्दल विराटनगर हार्डवेयर संघको अध्यक्ष चयन भएका छन् । संघको सोमबार विराटनगरमा सम्पन्न भेलाले युवा व्यवसायी जिन्दललाई सर्वसम्मत रुपमा अध्यक्ष पदको जिम्मेवारी सुम्पिएको हो ।
विराटनगरमा हार्डवेयर पसल सञ्चालन गरी रहेका २ सय ५० भन्दा बढि व्यवसायी सोमबार संघको भेलामा सहभागि भएका थिए । र सबै व्यवसायीहरूको रोजाइमा जिन्दल नै परेकोले उनी सर्वसम्मत रुपमा अध्यक्ष चुनिएको हो ।
संघको भेलाले भानु पौडेललाई प्रथम उपाध्यक्ष, कमल अग्रवाललाई द्वितीय उपाध्यक्ष, देवीप्रसाद पोखरेललाई महासचिव, जितेश कोइरालालाई सचिव र भरतकुमार खेतानलाई कोषाध्यक्ष पदको जिम्मेवारी सुम्पिएको छ ।
शंकर थापा, गोविन्द अग्रवाल, अमित सिंघल, अनन्त निरौला, मुकुल दाहाल, ज्ञानेन्द्रप्रसाद भट्टराई, किरण शंकर साह र अभिषेक केडिया संघको सदस्य रहेका छन् ।
