• चिरफार डटकम, विराटनगर ४६१  पटक हेरिएको

सोमबार, पुष १६, २०८० समय : १७:१०:१५ , ११ महिना अगाडि

३ लाख भन्दा बढि दर्शक एवं उपभोक्ताले मोरङ व्यापार संघ एक्स्पोको अवलोकन गरेका छन् । मोरङ व्यापार संघले २०८० साल पुस ६ देखि १६ गतेसम्म विराटनगर–२ स्थित शंकरपुर मार्गमा मोरङ व्यापार संघ एक्स्पोको आयोजना गरेको र विराटनगर सहित कोशी प्रदेशका ३ लाख भन्दा बढि दर्शक तथा उपभोक्ताले एक्स्पोको अवलोकन गरेको संख्या सार्वजनिक गरिएको छ ।

मोरङ व्यापार संघले सोमबार एक्स्पो स्थलमै आयोजना गरेको समापन समारोह संघका उपाध्यक्ष तथा एक्स्पो संयोजक अनिल साहले नेपाल, भारत, बंगलादेश र पाकिस्तान गरी ४ देशका २ सय ३० भन्दा बढि स्टल रहेको र ३ लाख भन्दा बढि दर्शक एवं उपभोक्ताले एक्स्पोको अवलोकन गरेको संख्या सार्वजनिक गरे ।

एक्स्पोको समापन समारोहमा संघीय सरकारका अर्थमन्त्री डा. प्रकाश शरण महत प्रमुख अतिथिको रुपमा सहभागिता जनाएका थिए । पुस ६ गते प्रधानमन्त्री पुष्पकमल दाहाल प्रचण्डले एक्स्पोको उद्घाटन गरेका थिए ।