• चिरफार डटकम, विराटनगर ६३८  पटक हेरिएको

आइतबार, पुष १५, २०८० समय : १८:२५:३० , ११ महिना अगाडि

छोटो समयमा सर्वाधिक लोकप्रियता हासिल गर्न सफल चिरफार डटकम आइतबारदेखि दोस्रो वर्षमा प्रवेश गरेको छ । २०७९ पुस १५ गतेदेखि सञ्चालनमा आएको चिरफार डटकम २०८० पुस १५ गते दोस्रो वर्षमा प्रवेश गरेको हो ।

कोशी प्रदेशको राजधानी विराटनगरमा शक्तिशाली डिजिटल मिडियाको आवश्यकता रहेको र त्यो आवश्यकता पुरा गर्न शुभचिन्तकबाट आएको सुझाव अनरुप विराट दरवार मिडिया प्रा. लि. कम्पनी खडा गरेर कम्पनी अन्तर्गत चिरफार डटकम सञ्चालनमा ल्याइएको हो । चिरफार डटकम सञ्चालनमा आएको १ वर्ष पुरा भएको छ । यस अवधिमा विज्ञापन दातादेखि शुभचिन्तक, इष्टमित्रहरूको स्नेह, माया प्रेमले अनलाइनलाई निरन्तरता दिन कुनै वाधा व्यवधान आएन ।

जसका कारण हामी होसिएका छौं । र चिरफार डटकम अनलाइनलाई निरन्तरता दिने लक्ष्यका साथ अगाडि बढ्ने जमर्को गरेका छौंं । १ वर्षको अवधिमा चिरफार डटकमलाई विज्ञापन दिएर सहयोग गर्ने विज्ञापन दातादेखि शुभचिन्तक र इष्टमित्रहरू प्रति हार्दिक आभार व्यक्त गर्दछौँ ।