- ... ५९२ पटक हेरिएको
सोमबार, माघ ०२, २०७९ समय : १८:०३:५१ , २ वर्ष अगाडि
- चिरफार डटकम, विराटनगर
मोरङ जिल्लाबाट मीनकुमार नवोदित र कुमार लुईंटेलले नेपाल प्रेस यूनियनको १ नं. प्रदेश अध्यक्षमा दावेदारी प्रस्तुत गरेका छन् । यूनियनको माग १३ र १४ गते विराटनगरमा प्रदेश अधिवेशन हुँदैछन् ।
विराटनगरका नवोदित र लुईंटेलले मोरङ जिल्लाबाट यूनियनको १ नं. प्रदेश अध्यक्षमा चुनाव लड्ने घोषणा गरेका छन् । नवोदितले केहीदिन अगाडि नै विराटनगरमा यूनियनका पदाधिकारी र सदस्यहरु संग छलफल गरेर उम्मेदवारी घोषणा गरेका थिए ।
लुईंटेलले सोमबार विराटनगरमा यूनियनका पदाधिकारी र सदस्यहरु संग छलफल गरेर उम्मेदवारी घोषणा गरे । नवोदित र लुईंटेल दुवै प्रेस यूनियन मोरङको अध्यक्ष पदको जिम्मेवारी पुरा गरिसकेका छन् ।
नवोदित विराटनगर महानगरपालिकाका मेयर नागेश कोइरालालाका प्रेस संयोजक र मकालु टेलिभिजनका सम्पादक हुनुहुन्छ । लुईंटेल लामो समय अन्नपूर्ण पोष्ट दैनिकको १ नं. प्रदेश ब्यूरोको रुपमा काम गरिसकेका छन् । र उनी यतिखेर बाह्रखरी अनलाइनमा आबद्ध हुनुहुन्छ ।
प्रदेश अधिवेशनमा २ सय ७८ जना प्रतिनिधिको सहभागिता रहने छन् । अधिवेशबाट २९ जना पदाधिकारी निर्वाचित हुने व्यवस्था छ ।
