- चिरफार डटकम, विराटनगर ७०८ पटक हेरिएको
मंगलबार, मंसिर १९, २०८० समय : १३:०८:३१ , १२ महिना अगाडि
विराटनगरस्थित ग्रिनल्याण्ड कलेजले २०८० सालमा एम.बी.बी.एस. तर्फ पूर्ण छात्रवृत्तिमा नाम निकाल्न सफल ८ जना जेहेन्दार विद्यार्थीलाई सम्मान गरेको छ । कलेजले मंगलबार आयोजना गरेको कार्यक्रममा ८ जना विद्यार्थीलाई सम्मान तथा अभिनन्दन गरेको हो ।
कलेजका सञ्चालक एवं प्राध्यापक शिवनारायण यादव र विराटनगर महानगरपालिकाका मेयर नागेश कोइरालाले पूर्ण छात्रवृत्तिमा नाम निकाल्न सफल ८ जना विद्यार्थीलाई सम्मान तथा अभिनन्दन गरेका हुन् । कार्यक्रमको अध्यक्षता गरिरहेका कलेजका सञ्चालक एवं प्राध्यापक शिवनारायण यादवले कार्यक्रमका प्रमुख अतिथि विराटनगर महानगरपालिकाका मेयर नागेश कोइरालालाई मायाको चिनो प्रदान गरेका थिए ।
२०८० सालमा एम.बी.बी.एस. तर्फ कलेजका शत्रुघन साह, अमित यादव, सबिना चौधरी, रोहन प्रभाकर, इसान सिंह यादव, आकृति बस्नेत, अनमोल झा र कृपा खड्काले पूर्ण छात्रवृत्तिमा नाम निकाल्न सफल भएका छन् ।
कार्यक्रममा कलेजका सम्मानित पूर्व विद्यार्थी अमित यादवले प्रत्येक दिन १५ घण्टासम्म अध्ययन गरेर एम.बी.बी.एस. मा पूर्ण छात्रवृत्ति पाएर नाम निकाल्न सफल भएको बताए ।
