- चिरफार डटकम, विराटनगर ६१४ पटक हेरिएको
शुक्रबार, मंसिर ०१, २०८० समय : १५:१९:२६ , १ वर्ष अगाडि
न्यु सृष्टि दैनिकका अध्यक्ष तथा प्रधान सम्पादक वरिष्ठ पत्रकार शंकर खरेलको कृति लघुकथा ‘ओम तृप्यन्ताम’ को शनिबार विराटनगरमा विमोचन हुँदैछ । वरिष्ठ पत्रकार खरेलको लेखन तथा सम्पादनमा ‘ओम तृप्यन्ताम’ लघुकथा संग्रह पुस्तक प्रकाशित हुन लागेको हो । विराटनगरको एयरपोर्ट स्थित होटल एयरपोर्टमा शनिबार ‘ओम तृप्यन्ताम’ लघुकथा संग्रह विमोचन गर्ने कार्यक्रम रहेको छ ।
कोशी प्रदेशका मुख्यमन्त्री केदार कार्कीलाई ‘ओम तृप्यन्ताम’ लघुकथा संग्रह पुस्तक विमोचन कार्यक्रममा विशिष्ट अतिथि र नेपाली कांग्रेसका वरिष्ठ नेता डा. शेखर कोइरालालाई प्रमुख अतिथिको रुपमा आमन्त्रण गरिएको छ । बरिष्ठ पत्रकार खरेलले ‘ओम तृप्यन्ताम’ लघुकथा पुस्तकको बिक्रीबाट प्राप्त रकम मृगौला पीडित सुनसरीका पत्रकार पि.बि. दियालीलाई सहयोग गर्ने घोषणा गरेका छन् । नेपाल पत्रकार महासंघ कोशी प्रदेश कार्यसमिति सदस्य पत्रकार दियाली केही समययता मृगौला पीडित भई उपचार गराई रहेका छन् ।
सुनसरी इटहरीका पत्रकार दियालीले आफू जीवन मरणको सङ्घारमा पुगेकोले सहयोगका लागि अपिल गरेका छन् । बरिष्ठ पत्रकार खरेलको यस अघि डेढ दर्जनभन्दा बढि कृति प्रकाशित भइसकेका छन् ।
