• ब्रह्मदेव यादव, विराटनगर १५८९  पटक हेरिएको

शुक्रबार, कार्तिक १७, २०८० समय : १५:५१:३९ , १ वर्ष अगाडि

नेपाल अग्रवाल सभा विराटनगरले उद्योगी एवं समाजसेवी चिरञ्जीवीलाल अग्रवाललाई अग्रगौरव सम्मान २०८० प्रदान गरेको छ । सभाले शुक्रबार विराटनगरमा आयोजना गरेको भव्य कार्यक्रममा उद्योगी एवं समाजसेवी चिरञ्जीवीलाल अग्रवाललाई सम्मान गरेको हो ।

प्रतिनिधि सभाका सदस्य एवं विश्वको धनाढ्य सूचीमा रहेका वरिष्ठ उद्योगपति विनोदकुमार चौधरी, नेपाल राष्ट्रिय मारवाडी परिषद्का केन्द्रिय अध्यक्ष उद्योगी पवन मित्तल, नेपाल अग्रवाल सभा विराटनगरका अध्यक्ष अभिषेक तोदी र मोरङ व्यापार संघका पूर्व अध्यक्ष उद्योगी एवं समाजसेवी सुरेशकुमार शर्माले उद्योगी एवं समाजसेवी चिरञ्जीवीलाल अग्रवाललाई अग्रगौरव सम्मान पत्रले सम्मान गरेको हो ।

नेपाल अग्रवाल सभा विराटनगरले आयोजना गरेको नेपाल अग्रगौरव सम्मान समारोह २०८० का कार्यक्रम संयोजक उद्योगी श्रवण अग्रवाल, नेपाल अग्रवाल सभा विराटनगरका पूर्व अध्यक्ष उद्योगी एवं समाजसेवी देवकीनन्दन अग्रवाल, सभाका उपाध्यक्ष उद्योगी राजकुमार अग्रवाल, महासचिव गोपालकृष्ण अग्रवालले समेत उद्योगी एवं समाजसेवी चिरञ्जीवीलाल अग्रवाललाई सम्मान गरेका थिए ।

विराटनगरका प्रतिष्ठित औद्योगिक घराना एमसी ग्रुपका संचालक मदनलाल अग्रवालको निधन भइसकेको छ । र उनका भाइ चिरञ्जीवीलाल अग्रवाललाई शुक्रबार विराटनगरमा भव्य कार्यक्रम बिच सम्मान गरिएको हो ।

चिरञ्जीवीलाल अग्रवाल यतिखेर काठमाडौंमा बसोवास गरिरहेका छन् । तर एमसी ग्रुपले मारवाडी समुदायलाई अगाडि बढाउन शिक्षा लगायत विभिन्न क्षेत्रमा महत्वपूर्ण सहयोग प्रदान गरेकोले नेपाल अग्रगौरव सम्मान प्रदान गरिएको नेपाल अग्रवाल सभा विराटनगरका अध्यक्ष अभिषेक तोदीले बताए । कार्यक्रममा विराटनगरका वरिष्ठ उद्योगी व्यवसायीहरूको सहभागिता रहेको थियो ।