• चिरफार डटकम, विराटनगर ४१२  पटक हेरिएको

बिहिबार, कार्तिक ०२, २०८० समय : १७:३८:३५ , १ वर्ष अगाडि

माहेश्वरी समाजले बुधबार राती विराटनगरमा भव्य समारोहको आयोजना गरेर डांडिया नाच सम्पन्न गरेको छ । माहेश्वरी समाज विराटनगर अन्तर्गत माहेश्वरी महिला मञ्च विराटनगर र माहेश्वरी युवा मञ्च विराटनगरले डांडिया नाच कार्यक्रम आयोजना गरेका थिए । जुन कार्यक्रमलाई उद्योगी प्रकाश मुन्दडा सञ्चालक रहेको बाबा आयलले संयोजन गरेका थिए । विराटनगर–९ स्थित सिटी पार्टी प्यालेस तथा रिसोर्टमा आयोजना गरेको डांडिया नाच समारोहमा १ हजारभन्दा बढि महिलाहरूले सामूहिक रुपमा डांडिया नाच प्रस्तुत गरेका थिए ।

विजया दशमीको अवसरमा विराटनगरवासीलाई मनोरञ्जन प्रदान गर्ने उद्देश्यका साथ डांडिया नाच कार्यक्रमको आयोजना गरिएको माहेश्वरी समाज विराटनगरका निवर्तमान अध्यक्ष आनन्द मारुले बताए । कार्यक्रममा माहेश्वरी समाज विराटनगरका अध्यक्ष उद्योगी घनश्याम काबरा, माहेश्वरी महिला मञ्च विराटनगरका अध्यक्ष पुनम राठी र माहेश्वरी युवा मञ्च विराटनगरका अध्यक्ष अजय राठी सहित माहेश्वरी समाजका विशिष्ट व्यक्तिहरूको सहभागिता रहेको थियो । भारतको गुजरात राज्यबाट सुरु भएको डांडिया नाच यतिखेर भारतको सबै शहर र नेपालमा भव्य रुपमा मनाइन्छ ।