- चिरफार डटकम, विराटनगर ८६६ पटक हेरिएको
मंगलबार, आश्विन ३०, २०८० समय : १५:४२:२३ , १ वर्ष अगाडि
नेपाल अग्रवाल सभा विराटनगरले सोमबार भव्य कार्यक्रम गरेर ५१४७ औं अग्रसेन जयन्ती मनाएको छ । सभाले सोमबार बिहान विराटनगरमा प्रभात फेरी कार्यक्रम आयोजना गरेका थिए । प्रभात फेरी कार्यक्रम पश्चात अग्रवाल जातिको कुल वंशका प्रवर्तक अग्रसेन महाराजको झण्डोत्तोलन गरिएको थियो । झण्डोत्तोलन कार्यक्रममा समाजका विशिष्ट व्यक्तिहरूको सहभागिता रहेको थियो ।
सोमबार साँझ विराटनगर स्थित अतिथि सदनमा भव्य कार्यक्रम गरेर सभाले ५१४७ औं अग्रसेन जयन्ती मनाएको छ । कार्यक्रममा सभाको भातृ संगठन नेपाल अग्रवाल युवा मञ्च नेपाल अग्रवाल महिला मञ्च र नेपाल अग्रवाल कन्या मञ्चको सहभागिता रहेको थियो । नेपाल अग्रवाल सभा विराटनगरका अध्यक्ष अभिषेक तोदीको अध्यक्षतामा भएको कार्यक्रममा बरिष्ठ उद्योगपति गणेश लाठ र रंगेली नगरपालिकाका मेयर तथा उद्योगपति दिलिप बगडिया विशिष्ट अतिथिको रुपमा सहभागि थिए ।
कार्यक्रममा नेपाल अग्रवाल सभा विराटनगरका निवर्तमान अध्यक्ष विशाल केडिया, मारवाडी सेवा समिति विराटनगरका अध्यक्ष गोविन्द झुनझुनवाला लगायत समाजका विशिष्ट व्यक्तिहरूको सहभागिता रहेको थियो ।
