• चिरफार डटकम, विराटनगर ९४७  पटक हेरिएको

सोमबार, आश्विन २९, २०८० समय : १३:४८:३३ , १ वर्ष अगाडि

नेपालीहरूको महान चाडपर्व विजया दशमी, शुभ दीपावली तथा छठ पर्वको अवसरमा आज सोमबार विराटनगरमा भारतका चर्चित गायिका अभिलाषा बांठियाको रात्रिकालीन भजन सन्ध्या हुँदैछ । तेरापंथ युवक परिषद् विराटनगरले रात्रिकालीन भजन सन्ध्याको आयोजना गरेको हो । विराटनगर स्थित जैन श्वेताम्बर तेरापंथी सभा भवनको प्राङ्गणमा रात्री ७ः०० देखि १०ः०० बजेसम्म भजन सन्ध्या चल्ने छ ।

भारतको गुजरात राज्यको सुरतका चर्चित भजन गायिका अभिलाषा बांठियाले भजन प्रस्तुत गर्ने छिन् । तेरापंथ युवक परिषद् विराटनगरका अध्यक्ष मोहित लालवानीले चाडपर्वको बेला विराटनगरबासीलाई मनोरञ्जन प्रदान गर्ने उद्देश्यका साथ भजन सन्ध्या कार्यक्रम आयोजना गरिएको बताए । परिषद्का सचिव अरिहन्त दुगढले विराटनगरका ४ सय भन्दा बढि विशिष्ट व्यक्तिहरूलाई भजन सन्ध्या कार्यक्रममा आमन्त्रण गरिएको बताए ।

मधुर दुगढ र विनित लालवानीलाई कार्यक्रम संयोजकको जिम्मेवारी प्रदान गरिएको छ । विराटनगरका युवा निर्मल बोथरा अभिलाषा बांठियाको भजन सन्ध्या कार्यक्रमलाई भव्य रुपमा सम्पन्न गराउन जोडतोडका साथ लागि परेका छन् ।