- चिरफार डटकम, विराटनगर ३७३ पटक हेरिएको
आइतबार, भाद्र ३१, २०८० समय : १५:२३:४९ , १ वर्ष अगाडि
किशोरबहादुर शाही, विराट गोल्डकप ट्रष्टको कार्यवाहक अध्यक्ष पदको जिम्मेवारी पाएको छ । शाही यस अघि ट्रष्टको उपाध्यक्ष पदको भूमिकामा थिए । ट्रष्टको शनिबार विराटनगरमा बसेको बैठकले शाहीलाई उपाध्यक्ष पदबाट कार्यवाहक अध्यक्ष पदमा बढुवा गर्दै जिम्मेवारी सुम्पिएको हो ।
ट्रष्टका अध्यक्ष सन्तोष बाँनिया उमेर हदका कारण फुटबलको विकासमा सक्रिय भूमिका निर्वाह गर्ने अवस्था नरहेकोले उपाध्यक्ष शाहीलाई कार्यवाहक अध्यक्ष पदको जिम्मेवारी प्रदान गरिएको ट्रष्टका एक पदाधिकारीले जानकारी गराए । शाहीकै नेतृत्वमा आगामी विराट गोल्डकप फुटबल प्रतियोगिताको आयोजना हुनेछ ।
