• चिरफार डटकम, विराटनगर ५६१  पटक हेरिएको

बुधबार, भाद्र ०६, २०८० समय : १८:२४:२७ , १ वर्ष अगाडि

जिल्ला ट्राफिक प्रहरी कार्यालय मोरङमा एकैपटक विदाई र स्वागत कार्यक्रम सम्पन्न भएको छ । जिल्ला ट्राफिक प्रहरी कार्यालय मोरङमा पदस्थापन भएका कार्यालय प्रमुख प्रहरी निरिक्षक सुमन न्यौपानेलाई बुधबार स्वागत गरिएको छ । कार्यालयबाट सरुवा भएका निवर्तमान कार्यालय प्रमुख सुनिलकुमार श्रेष्ठलाई बुधबार नै विदाई गरिएको छ । काठमाडौं विमानस्थबाट जिल्ला ट्राफिक प्रहरी कार्यालय मोरङ विराटनगरमा न्यौपानेको सरुवा संगै पदस्थापन भएको हो ।

इलाका प्रहरी कार्यालय काकरभिट्टामा दरवन्दी भई ५ महिना १९ दिनदेखि जिल्ला ट्राफिक प्रहरी कार्यालय मोरङ विराटनगरमा कार्यरत श्रेष्ठको इलाका प्रहरी कार्यालय रवि पाँचथरमा सरुवा भएको छ । कार्यालयका बरिष्ठदेखि कनिष्ट प्रहरी अधिकृत र जवानले बुधबार बिहान कार्यालयमा एक साथ विदाई र स्वागत कार्यक्रमको आयोजना गरेका थिए ।