- ब्रह्मदेव यादव, विराटनगर १४९२ पटक हेरिएको
शनिबार, साउन २०, २०८० समय : १७:५५:५९ , १ वर्ष अगाडि
नेपाल अग्रवाल युवा मञ्चले विराटनगरको देवकोटा चौकस्थित वनसखण्डी मन्दिर अगाडी पिउने पानी मेशिन जडान गरेको छ । विराटनगरको कवितादेवी कनोडिया उनका छोरा अंकुर कनोडिया र बुहारी पुजा कनोडियाको सहयोगमा मञ्चले वनसखण्डी मन्दिर अगाडीको सडक खण्डमा पिउने पानी मेशिन जडान गरेको हो ।
नेपाल उद्योग वाणिज्य महासंघ (एफएनसीसीआई) कोशी प्रदेश समितिका कार्यकारीणी सदस्य एवं उद्योगी श्रवण अग्रवालले राज्यले सबै काम एक्लै गर्न नसक्ने भएकोले दाताको सहयोगमा सामाजिक संघ संस्था अगाडी बढेर पिउने पानी मेशिन जडान गर्नु सराहनिय काम रहेको बताए ।
नेपाल अग्रवाल सभा विराटनगरका अध्यक्ष विशाल केडियाले पिउने पानी मेशिनको उद्घाटन गरेको कार्यक्रममा सभाका निवर्तमान अध्यक्ष समाजसेवी तथा उद्योगी देवकिन्नदन अग्रवाल, साहित्यकार लक्ष्मण नेवटिया, नेपाल अग्रवाल युवा मञ्च विराटनगरका अध्यक्ष हेमन्त अग्रवाल, द्वितीया उपाध्यक्ष चेतन अग्रवाल, महासचिव देवेन्द्र अग्रवाल, नेपाल अग्रवाल महिला मञ्च विराटनगरका अध्यक्ष उपा चौधरी, विराट व्यापार संघ विराटनगरका वरिष्ठ उपाध्यक्ष प्रमोद जिन्दल र विराटनगर–७ का वडाध्यक्ष मधुबाबु तिवारीको सहभागिता रहेको थियो ।
