- ... ८८४ पटक हेरिएको
बुधबार, पुष २७, २०७९ समय : १२:३४:५० , २ वर्ष अगाडि
- चिरफार डटकम, विराटनगर
संचारकर्मी संचार सहकारी संस्था लिमिटेड विराटनगरले ४ जना संचारकर्मीलाई सम्मान गरेको छ । सम्मानीत हुने चारैजना संचारकर्मी मोरङ जिल्लालाई कार्यक्षेत्र बनाएर पत्रकारीता गरिरहेका छन् ।
संचारकर्मी संचार सहकारी संस्थाले बुधबार विराटनगरमा आयोजना गरेको ११औं साधारणसभा एवं सम्मान कार्यक्रममा चारैजना संचारकर्मी सम्मानीत भएको हो ।
प्रदेश नं. १ का प्रदेश प्रमुख पर्शुराम खापुङ, संचारकर्मी संचार सहकारी संस्था लि. विराटनगरका अध्यक्ष तथा उदघोष दैनिकका सम्पादक मोहन भण्डारी, नेपाल पत्रकार महासंघ प्रदेश नं. १ का अध्यक्ष लिलाबल्भ घिमिरे र नेपाल पत्रकार महासंघ मोरङका अध्यक्ष संजिव खनालले चारैजना संचारकर्मीलाई दोसल्ला ओढाएर सम्मान–पत्रले सम्मान गरेका थिए ।
संस्थाले भोजराज घिमिरे र धनकुमारी थापा (चिना थापा) लाई उत्कृष्ट ऋणीको सम्मान प्रदान गरेका थिए । श्यामसुन्दर सुतिहार र केशव कार्कीलाई असल बचत कर्ताको सम्मान प्रदान गरे ।
असल बचत कर्ताको सम्मानबाट सम्मानित केशव कार्की काम विशेषले विराटनगर बाहिर रहनु भएकोले उहाँ सम्मान कार्यक्रममा सहभागी हुन सकेनन् । ४० जना संचारकर्मीबाट सुरु भएको संचारकर्मी संचार सहकारी संस्था लि. विराटनगरले ११औं साधारसभा मनाइरहदा संस्थामा १ सय १६ जना संचारकर्मी सदस्य रहेको उपाध्यक्ष दिपक दाहालले बताए ।
