- चिरफार डटकम, विराटनगर ९१५ पटक हेरिएको
मंगलबार, बैशाख १९, २०८० समय : १४:५२:०४ , २ वर्ष अगाडि
उद्योग संगठन मोरङले १३४औं अन्तर्राष्ट्रिय श्रमिक दिवसको अवसरमा ३ जना श्रमिकलाई सम्मान गरेको छ । अन्तर्राष्ट्रिय श्रमिक दिवसको अवसरमा सोमबार आयोजित कार्यक्रमा उद्योग संगठन मोरङले जनही ११ हजार रुपैयाँ नगद सहित प्रमाण–पत्र दिएर तीनैजना श्रमिकलाई सम्मान गरेको हो ।
सुनसरी मोरङ औधोगिक करिडोर अन्तर्गत एसियन थाइफुड्स प्रा.लि.का दुर्गा कुमारी चौधरी, हिमगिरी हाइजिन प्रा.लि.का शेषनारायण थारु र जस्मिन हाइजिन प्रोडक्सका मेनुका घिमिरेलाई संगठनले सम्मान गरेको हो ।
औधोगिक करिडोरमा सक्रिय विभिन्न राजनैतिक दल निकट टे«ड यूनियनका पदाधिकारीहरुको सल्लाह बमोजिम टे«ड यूनियनले छनौट गरेर उपलब्ध गराएको श्रमिकलाई संगठनले सम्मान गरेको उद्योग संगठन मोरङका महानिर्देशक चुडामणी भट्टराईले बताए ।
संगठनका अध्यक्ष सुयस प्याकुरेल, बरिष्ठ उपाध्यक्ष प्रदिप मुरारका, उपाध्यक्ष राजकुमार गोल्छा, उपाध्यक्ष नन्दकिशोर राठी, कोषाध्यक्ष विपिन काबरा र ट्रेड यूनियनका पदाधिकारीहरुको सहभागितामा आयोजित कार्यक्रममा तीनैजना मजदुरलाई सम्मान गरिएको हो ।
