• ... १०३३  पटक हेरिएको

शुक्रबार, पुष २२, २०७९ समय : १७:०३:१२ , २ वर्ष अगाडि

• चिरफार डटकम, विराटनगर

विराटनगरको पुष्पलाल चोकमा रहेको राठी स्वास्थ्य सेवा क्लिनिकले १ महिनाको अवधिमा ३ सय जनाभन्दा बढि बिरामीको स्वास्थ्य उपचार सहित निःशुल्क रुपमा औषधि वितरण गरेको  छ । विराटनगरका उद्योगी तथा समाजसेवी घनश्याम राठी र उनका छोरा उद्योगी राजेन्द्र राठीले राठी स्वास्थ्य सेवा क्लिनिक संचालनमा ल्याएका छन् ।

जुन क्लिनिकमा उपचार लिन आउँने बिरामीलाई दक्ष चिकित्सक डा. पंकज गोस्वामीले बिना शल्यक्रिया नगरीकन होमियोपेथिक प्रविधिको माध्यमबाट उपचार गर्ने गरेको छ ।

राठी स्वास्थ्य सेवा क्लिनिकका संस्थापक मारवाडी सेवा समिति विराटनगरका महासचिव तथा उद्योगी एवं समाजसेवी घनश्याम राठी र उनका छोरा उद्योगी राजेन्द्र राठीले २०७९ मंसिर १२ गते विवाह पञ्चमीको दिन क्लिनिक संचालनमा ल्याएदेखि १ महिनाको अवधिमा ३ सयजना भन्दा बढी बिरामीले उपचार सेवा लिएको छ ।

आइतबार, सोमबार, बुधबार र बिहीबार बेलुका ३ देखि ५ बजेसम्म संचालनमा आउँने क्लिनिकमा प्रत्येक दिन १० देखि १५ जना बिरामीले उपचार सेवा लिने गरेको राठीले बताए ।

क्लिनिकमा खुट्टा दुःखनेदेखि ग्याष्टिकका बिरामीहरु उपचार सेवा लिन आउँने गरेको छ । यस अघि विराटनगर–९ स्थति घोघापुल चोकमा विराटनगरको माहेश्वरी समाजले महेश होमीयोप्याथिक दातव्य औषधालय संचालन गरिरहेको छ ।